Saktheyam

🙏 ഹരി ഓം. ജ്യോതിഷം ഒരു ശാസ്ത്രമാണ്. ജ്യോതിഷം എന്താണെന്ന് അറിയാൻ നാമാദ്യം ശ്രമിക്കണം. ജ്യോതിഷമെന്നാലെന്ത്? കാലത്തെ അറിയാൻ ശ്രമിക്കുന്ന പഠനശാഖയാണ് ജ്യോതിഷം. എങ്ങനെയാണ് കാലത്തെ അറിയുക? ഗ്രഹ നക്ഷത്രാദികളുടെ ചലനങ്ങളെ അടിസ്ഥാനമാക്കിയാണ് കാലത്തെ അറിയുന്നത്. ഇതിന് കാലതന്ത്രം, കാലവിധാന ശാസ്ത്രം എന്നീ പേരുകളുമുണ്ട്. ജ്യോതിഷ രത്നമാലയിൽ പറയുന്നു, "അധികൃത്യ ച ജ്യോതിംഷി കൃതത്വാ ജ്യോതിഷം സ്മൃതം കാലജ്ഞാനകരത്വാച്ച കാലതന്ത്രമപീരിതം " അർത്ഥം :- ആകാശത്തിൽ കാണപ്പെടുന്ന ജ്യോതിസ്സുകളെ (ഗ്രഹ നക്ഷത്രാദികളെ) അടിസ്ഥാനമാക്കി രുപപ്പെട്ടതിനാലാണ് ജ്യോതിഷം എന്ന് വിളിക്കുന്നത്. കാലത്തെ അറിയാൻ സഹായിക്കുന്നതിനാൽ കാല തന്ത്രമെന്നും വിളിക്കുന്നു.) ഇവിടെ കാലത്തിന് 2 രൂപങ്ങളുണ്ട്. മയന്റെ സൂര്യ സിദ്ധാന്തത്തിൽ കാലത്തിന്റെ ഈ 2 രൂപങ്ങളെക്കുറിച്ചും പറയുന്നുണ്ട്. "ലോകാനാമന്തകൃത് കാല: കാലോന്യ കലനാത്മക: " അർത്ഥം :- ഒന്ന് , അനന്തവും മഹത്തും ആയ കാലം. ഇതാണ് മഹാകാലം. രണ്ട്, കലനാത്മകമായ കാലം. ഇതിൽ ഒന്നാമത്തെ കാലമെന്നത് മഹാകാലമാണ് അഥവാ പരമമായ കാലമാണ്.ഇത് എല്ലാറ്റിനും അതീതമായി വിരാജിക്കുന്...